تأمين صحي للشركات الصغيرة والمتوسطة
أسئلة عامة
وش هو التأمين الصحي للشركات الصغيرة والمتوسطة ؟
هو تأمين صحي معتمد يغطي موظفيك وعوائلهم، ويضمن التزام شركتك بأنظمة الضمان الصحي بالسعودية، مع مرونة تامة في اختيار الباقة اللي تناسب احتياجك وميزانيتك.
هل هذا التأمين إلزامي على شركتي أو منشأتي؟
نعم إلزامي، وحسب أنظمة مجلس الضمان الصحي، لازم كل منشآت القطاع الخاص توفر تأمين صحي لكل الموظفين اللي عندها وتابعينهم المستحقين.
مين الأشخاص اللي يشملهم التأمين في المنشأة؟
يشمل: الموظف نفسه، الزوج أو الزوجة، الأبناء (لين عمر 25 سنة)، والبنات غير المتزوجات.
متى تبدأ التغطية وتتعلّق للموظفين؟
تبدأ التغطية من تاريخ التفعيل المكتوب في الوثيقة، وهذا يصير بعد ما تسدد القيمة وتدخل بيانات الموظفين في النظام.
كم مدة وثيقة تأمين المنشآت؟
مدة الوثيقة سنة كاملة (12 شهر)، وتتجدد سنوياً بالاتفاق بين الطرفين.
وش هي الفئات المتاحة للشركات؟
نوفر لك أكثر من 10 فئات طبية مختلفة، عشان نضمن إنك تلاقي التغطية اللي تناسب احتياج موظفينك وميزانية شركتك.
وش تختلف كل فئة عن الثانية؟
كل فئة أو باقة يكون لها خيارات تختلف في: شبكة المستشفيات والمستوصفات المتاحة، نسبة التحمل (اللي يدفعها الموظف في العيادة)، والمزايا الإضافية.
أساسيات التغطية
وش هي حدود التغطية الجغرافية للباقات؟
كل الباقات تغطي العلاج الطبيعي داخل السعودية. أما الباقات الأعلى، فتميز موظفينك بتغطية للحالات الطبية الطارئة خارج المملكة بحدود معينة
كم الحد السنوي لتغطية الفرد الواحد؟
الحد السنوي للتغطية هو مليون ريال سعودي لكل شخص مؤمن عليه في كل الباقات، وهذا بحسب نظام مجلس الضمان الصحي.
وش هي الخدمات الطبية المشمولة بشكل أساسي؟
كل الباقات تغطي الخدمات الأساسية هذي بحدود معينة لكل فئة: زيارات العيادات والكشفية، التنويم والعمليات بالمستشفيات، الأدوية الموصوفة، التحاليل والآشعة، الحمل والولادة، التطعيمات، والأسنان والنظارات.
هل تأمين المنشآت يغطي مصاريف الأمومة والحمل؟
نعم مشمولة للموظفات ولزوجات الموظفين، والحدود المالية تختلف حسب الفئة اللي اخترتها لهم، وطبعاً أي مضاعفات للحمل تتغطى تحت الحد السنوي العام للوثيقة.
هل تغطية الأسنان والنظارات مشمولة للموظفين؟
نعم مشمولة وبحدود سنوية تختلف على حسب الباقة، مع العلم إن الخدمات التجميلية (مثل تبييض الأسنان أو الليزك) ما يشملها التأمين.
المطالبات والتعديلات
هل أقدر أعطي باقات وفئات مختلفة لموظفين مختلفين في نفس الشركة؟
نعم تقدر تفصلها على كيفك وتخصص الباقة والفئة لكل عضو أو مجموعة موظفين على حسب مرتبتهم أو اختيارك.
هل أقدر أرقي فئة موظف أو أضيف موظف جديد والوثيقة شغالة؟
نعم، تقدر تضيف موظف جديد، تحذف موظف، أو ترقي فئة أي أحد عن طريق "منصة إدارة الوثيقة" الرقمية اللي بنرسل تفاصيلها لمسؤول التأمين بشركتكم أول ما تصدر الوثيقة.
هل أقدر أضيف تابعين جدد للموظف (مثل زوجة جديدة أو مولود) خلال السنة؟
نعم تقدر وبكل سهولة من منصة إدارة الوثيقة. في حال الزواج: تحدث البيانات وتضيف الزوج/الزوجة. وفي حال المولود الجديد: يكون مغطى تلقائياً أول 30 يوم من ولادته، ولازم تضيفه رسميًا خلال هالفترة عشان تستمر تغطيته.
كيف تحسبون وتحددون قيمة القسط والتأمين للشركة ؟
السعر يعتمد على 3 أشياء رئيسية: عدد الموظفين والتابعين الكلي، أعمارهم، والفئات الطبية اللي اخترتها لهم.
وش هي طرق الدفع المتوفرة؟
نوفر لك خيارات دفع متنوعة وسهلة تناسب الشركات: نظام "سداد"، الدفع عن طريق Apple Pay، أو البطاقات الائتمانية.
كيف يقدر الموظف يستفيد من التأمين ويروح يتعالج؟
أول ما تصدر الوثيقة ونربطها بنظام مجلس الضمان الصحي، يقدر الموظف يتوجه لأي مستشفى أو مستوصف داخل الشبكة الطبية المعتمدة لفئته، ويبرز هويته ويستفيد من الخدمة فوراً.
لو موظف تعالج خارج الشبكة الطبية المعتمدة له، هل يتغطى؟
التأمين يغطي العلاج خارج الشبكة في الحالات الطارئة والحرجة بس.
الإلغاء والتجديد
هل أقدر ألغي وثيقة تأمين الشركة ؟
نعم تقدر تلغيها، بشرط إنك تعطينا إشعار مسبق قبل تاريخ الإلغاء بـ 30 يوم.
هل أقدر أغير فئات وباقات الموظفين وقت التجديد؟
نعم، وقت التجديد السنوي تقدر تعدل الفئات، وتغير الباقات، وتعدل الخطة كاملة على حسب رغبتك الجديدة.
كيف اتواصل مع فريق تري ؟
يسعدنا تواصلك معنا في أي وقت من خلال موقعنا الإلكتروني، أو بالاتصال على رقم خدمة العملاء 8001240505. وتقدر أيضًا تطلع على جميع قنوات التواصل من خلال صفحة "اتصل بنا".