تأمين الحيوانات الأليفة
معلومات عامة
وش هو تأمين تري للحيوانات الأليفة؟
تأمين تري للحيوانات الأليفة مخصص لأصحاب القطط والكلاب في السعودية. نوفر لك نوعين من التغطية: تأمين ضد الحوادث أو تأمين ضد الحوادث والأمراض، وتقدر تختار من بين ثلاث باقات: الأساسية، والمميزة، والملكية، حسب الباقة اللي تناسب أليفك.
وش الفرق بين التأمين ضد الحوادث فقط والتأمين ضد الحوادث والأمراض؟
التأمين ضد الحوادث فقط:
يغطي تكاليف علاج الإصابات الناتجة عن الحوادث، مثل الكسور والجروح.
التأمين ضد الحوادث والأمراض:
يغطي الحوادث بالإضافة إلى مجموعة من الأمراض، مثل العدوى، والحساسية، والأمراض الجلدية.
كم بيكلفني التأمين لأليفي؟
تعتمد تكلفة التأمين على عمر أليفك، وسلالته (نوعه) ، والباقة اللي تختارها وتقدر تعرف السعر المناسب لك عند طلب عرض سعر من خلال الموقع أو التطبيق.
وش هي الحيوانات الأليفة اللي أقدر أأمّن عليها؟
تقدر تأمّن على كلبك أو قطوتك إذا كانوا مقيمين في السعودية، بشرط يكون عمر أليفك 16 أسبوع أو أكثر، ويكون مزروع له شريحة إلكترونية (Microchip)، وعنده فحص صحّي سنوي عند طبيب بيطري معتمد.
هل أقدر أأمّن على أكثر من حيوان أليف؟
أكيد، تقدر تأمّن على أكثر من حيوان أليف، لكن كل واحد يحتاج وثيقة تأمين خاصة فيه، وتقدر تختار باقة مختلفة لكل أليف.
الباقات والتغطيات
وش الفرق بين الباقة الأساسية، والمميزة، والملكية؟
الأساسية: تغطي علاج الإصابات الناتجة عن الحوادث، مثل الكسور والجروح.
المميزة: تشمل كل مميزات الباقة الأساسية، وتضيف عليها تغطية الأمراض ومزايا إضافية.
الملكية: تشمل كل مميزات الباقة المميزة، لكن بحدود تغطية أعلى وتعويضات أكبر.
كم مدة التأمين؟ ومتى تبدأ التغطية؟
مدة التأمين سنة كاملة. وإذا كانت هذي أول مرة تأمّن فيها على أليفك، تبدأ التغطية بعد 45 يوم من تاريخ بداية الوثيقة أو تاريخ الفحص السريري، حسب التاريخ الأقرب أما عند التجديد، فتبدأ التغطية مباشرة.
وش يغطي التأمين إذا تعرض أليفي لحادث؟
جميع الباقات (الأساسية، والمميزة، والملكية) تغطي تكاليف علاج الإصابات المشمولة، مثل التشخيص، والعمليات الجراحية، والتنويم في العيادة، والنقل الطارئ إذا احتاج أليفك له.
وإذا كان أليفك كلب، تشمل الباقات أيضًا تغطية المسؤولية تجاه الغير إذا تسبب بالخطأ في إصابة شخص أو إتلاف ممتلكاته
وش يغطي التأمين إذا مرض أليفي؟
إذا مرض أليفك، الباقة المميزة والملكية تغطي تكاليف التشخيص، الأدوية، العمليات، والتنويم للحالات المشمولة.
أما الباقة الأساسية، ما تشمل تغطية الأمراض. وفيه بعض الحالات المستثناة بتلقى تفاصيلها في وثيقتك.
وش يعني الحد السنوي للتغطية؟
هو أعلى مبلغ يغطيه التأمين لعلاج أليفك خلال السنة، ويختلف حسب الباقة اللي اخترتها.
تبنيت أليف وما أعرف تاريخه الطبي، وش أسوي؟
قبل ما تأمّن عليه، سوي فحص شامل عند طبيب بيطري. الفحص يساعد إذا كان عنده أي أمراض أو حالات سابقة، لأن الحالات الموجودة قبل بداية التأمين ما تكون مشمولة بالتغطية.
لو كلبي تسبب في إصابة شخص أو أتلف ممتلكاته، وش يصير؟
كل الباقات الثلاث (الأساسية - المميزة - الملكية) تشمل تغطية المسؤولية تجاه الغير لأصحاب الكلاب داخل السعودية. إذا تسبب كلبك بالخطأ في إصابة شخص أو إتلاف ممتلكاته، فالتأمين يغطي التعويضات والتكاليف القانونية اللي تحكم بها المحكمة السعودية، ضمن الحد المالي المحدد في باقتك.
وش يصير لو توفى أليفي بسبب حادث؟
الباقات الثلاث (الأساسية، والمميزة، والملكية) تشمل تعويضًا عن الوفاة (حسب سعر الشراء مع وجود إثبات)، بالإضافة إلى مساهمة في تكاليف الدفن، وضمن حدود التغطية الموضحة في وثيقتك.
هل التأمين يغطي التطعيمات؟
نعم، الباقة المميزة والملكية تغطي التطعيمات، حسب حدود التغطية الموضحة في وثيقتك.
هل الوثيقة تشمل الأمراض الوراثية؟
لا، الأمراض الوراثية، والعيوب أو التشوهات الخلقية اللي ينولد فيها الأليف غير مشمولة بالتغطية.
هل لازم أروح لعيادات بيطرية معينة عشان أستفيد من التأمين؟
نعم، لازم تراجع إحدى العيادات البيطرية المرخصة ضمن شبكتنا الطبية في السعودية، وتقدر تطّلع على القائمة الكاملة في صفحة الشبكة الطبية بالموقع أو التطبيق.
المطالبات والإلغاء
كيف أقدم مطالبة؟
تأمين تري للحيوانات الأليفة يعتمد نظام الاسترداد. يعني تدفع للعيادة البيطرية أولًا، وبعدها ترفع مطالبتك مع الفاتورة بسهولة عن طريق موقعنا أو تطبيقنا خلال 30 يوم من تاريخ الحادثة.
بعد ما أرفع طلب المطالبة، كيف أستلم مبلغ التعويض؟
بعد ما نستلم مطالبتك مع جميع المستندات المطلوبة، نراجعها ونعالجها. وإذا تمت الموافقة عليها، نحول مبلغ التعويض مباشرة إلى حسابك البنكي. لأن تأمين تري للحيوانات الأليفة يعتمد نظام الاسترداد، يكون التعويض لصاحب الوثيقة، وليس للعيادة البيطرية أو أي طرف آخر.
هل فيه نسبة تحمّل أدفعها مع كل مطالبة؟
نعم، فيه نسبة تحمّل على كل مطالبة، وهي المبلغ اللي تدفعه من قيمة العلاج، وتكون موضحة في وثيقتك. إذا كان عمر أليفك أقل من 4 سنوات عند بداية الوثيقة، تكون نسبة التحمل 20٪، وإذا كان عمره 4 سنوات أو أكثر، تكون 30٪.
وش المستندات المطلوبة عشان أرفع مطالبة؟
نحتاج الفواتير الأصلية، والسجل الطبي لأليفك، وآخر تقرير فحص صحي، وإثبات الشريحة الإلكترونية (Microchip)، وصورة واضحة له. وإذا احتجنا أي مستندات إضافية، بنبلغك.
هل أقدر ألغي وثيقة التأمين؟
نعم، تقدر تلغي وثيقتك بأي وقت، بشرط ما يكون عندك أي مطالبة مفتوحة أو معلقة. ومبلغ الاسترداد يعتمد على المدة اللي مرت من بداية الوثيقة. أما إذا سبق ورفعت مطالبة، فما يحق لك استرجاع أي مبلغ.