تأمين المركبات التجارية للشركات الصغيرة والمتوسطة
أسئلة عامة
وش يعني تأمين السيارات للمنشآت الصغيرة والمتوسطة؟
هو تأمين مخصص لتغطية سيارة أو مجموعة سيارات مملوكة لشركة أو منشأة ضمن وثيقة تأمين وحدة.
مين يقدر يشتري وثيقة تأمين السيارات للمنشآت الصغيرة والمتوسطة ؟
الشركات والمنشآت اللي عندها رقم موحد ساري، وعندها سيارة أو أكثر مسجلة تحت نفس الرقم الموحد. وتقدر المنشأة تضيف سيارات جديدة للوثيقة بعد نقل ملكيتها باسم المنشأة.
وش أنواع السيارات اللي أقدر أأمن عليها؟
تغطي الوثيقة أنواع مختلفة من السيارات المسجلة تحت الرقم الموحد للمنشأة، سواء كانت للاستخدام الخاص أو التجاري.
وش البيانات المطلوبة عشان نصدر الوثيقة؟
نحتاج الرقم الموحد للمنشأة, نشاط المنشأة وبيانات السيارات اللي بتأمّن عليها.
أساسيات التغطية
وش التغطيات اللي تشملها الوثيقة؟
توفر الوثيقة حاليًا تغطية ضد الغير (المسؤولية تجاه الآخرين)، مع إمكانية إضافة مزايا وتغطيات إضافية حسب احتياجك.
هل تشمل الوثيقة تغطية المسؤولية تجاه الغير؟
نعم، تشمل تغطية المسؤولية تجاه الغير حسب المزايا المحددة في وثيقتك.
كم سيارة أقدر أأمن عليها بوثيقة واحدة؟
تقدر تأمّن حتى 6 سيارات تحت وثيقة تأمين واحدة.
متى تبدأ تغطية التأمين؟
تبدأ تغطية وثيقتك بعد الدفع و إصدار الوثيقة بنجاح، وتقدر تعرف تاريخ بداية التغطية من جدول الوثيقة المرسل لك.
كم مدة الوثيقة أو التغطية؟
مدة التغطية في الوثيقة هي سنة واحدة كاملة تبدأ من تاريخ التفعيل.
التغطيات الإضافية
وش التغطيات الإضافية المتاحة في تأمين السيارات للمنشآت الصغيرة والمتوسطة؟
التغطيات الإضافية الاختيارية المتاحة هي:
- تغطية الحوادث الشخصية للسائق.
- تغطية الحوادث الشخصية للركاب.
هل أقدر أضيف التغطيات الإضافية لبعض السيارات بس؟
لا, التغطيات الإضافية تنطبق على جميع السيارات اللي موجودة في الوثيقة.
المطالبات
كيف أقدم مطالبة؟
تقدر تقدم مطالبتك عن طريق تطبيق تري أو موقعنا الإلكتروني:
-ادخل على ""تحتاج مساعدة"".
-اختر ""رفع المطالبات"".
-راح تنتقل مباشرة إلى صفحة المطالبات.
-تقدم مطالبة على وثيقتك.
أو ترفع مطالبة للطرف المتضرر إذا كان مؤمن عند تري.
وش الأوراق والمستندات المطلوبة لتقديم المطالبة؟
عادة نطلب محضر الحادث (نجم أو المرور)، واستمارة المركبة، ورخصة القيادة، والهوية أو الإقامة، ونموذج المطالبة. وإذا كانت فيه إصابات، نحتاج التقارير والفواتير الطبية. وبعض التغطيات الإضافية قد تحتاج مستندات إضافية، مثل محضر الشرطة أو إثبات الشراء.
كيف أقدر أتابع حالة مطالباتي؟
تقدر تتابع حالة مطالبتك من خلال قسم "مطالباتي" في حسابك على تطبيق تري أو موقعنا الإلكتروني.
وبنبلغك بأي تحديثات على مطالبتك أول بأول.
كم تأخذ وقت تسوية المطالبة؟
بنأكد لك استلام المطالبة خلال 3 أيام عمل, وإذا كان فيه أي مستندات ناقصة بنبلغك. وبعد ما يكتمل الملف، تتم تسوية المطالبات خلال 15 يوم عمل قد توصل إلى 45 يوم عمل للمطالبات المعقدة)، وبنوافيك أول بأول.
متى وكيف يتم دفع مبلغ المطالبة؟
إذا تمت الموافقة على مطالبتك, يتم تحويل مبلغ المطالبة المستحق مباشرة لحسابك البنكي اللي قدمته رفع المطالبة.
الإلغاء والنقل والتجديد
كيف أجدد وثيقة التأمين؟
بنذكرك قبل انتهاء الوثيقة، ونرسل لك رابط التجديد. ومن حسابك تقدر تراجع وثيقتك، تغيّر الباقة، تعدّل الإضافات أو السائقين، وتكمل التجديد والدفع أونلاين.
هل أقدر ألغي وثيقة التأمين ؟
نعم, تقدر تلغي الوثيقة في حالات معينة وإذا كنت مستحق للاسترداد، يرجع لك المبلغ حسب المدة المتبقية من الوثيقة، بعد خصم الرسوم الإدارية وأي مبالغ مطالبات تم صرفها.
هل أقدر أنقل وثيقة التأمين إلى سيارة جديدة؟
لا، ما تقدر تنقل الوثيقة إلى سيارة أخرى.
إذا استبدلت سيارتك، تقدر تلغي الوثيقة الحالية، وبعدها تصدر وثيقة جديدة للسيارة الجديدة.
كيف أتواصل مع فريق تري؟
حاضرين لخدمتك بكل وقت تقدر تتواصل معنا عبر موقعنا الإلكتروني أو بالاتصال على خدمة العملاء على الرقم 80012405058001240505، وتقدر تطّلع على جميع قنوات التواصل من خلال صفحة "اتصل بنا".