تأمين حماية الدخل
معلموات عامة
وش هو تأمين حماية الدخل؟
هو تأمين يدعمك بمبلغ مالي كاش لو سمح الله تعبت أو صادتك إصابة واضطررت تتنوم في المستشفى.
وش المفهوم من "التنويم"؟
يعني تجلس بالمستشفى 48 ساعة أو أكثر. وأول ما تتجاوز هالمدة، يصرف لك التأمين التعويض المالي.
كيف يشتغل تأمين حماية الدخل؟
وقت ما تتنوم بالمستشفى، شغلك ودخلك اليومي طبيعي بيتأثر. هنا التأمين يصرف لك مبلغ مالي كاش (دفعة واحدة) يساعدك تغطي مصاريفك والتزاماتك , قيمة المبلغ تنحسب بناءً على التغطية اللي اخترتها وقت الشراء.
تفاصيل شراء الوثيقة
وش أنواع التغطيات المتاحة؟
عندنا 3 خطط تقدر تختار منها اللي يناسبك:
التغطية الأساسية: تعويض شهري 500 ريال.
التغطية الفضية: تعويض شهري 1,000 ريال.
التغطية الذهبية: تعويض شهري 2,500 ريال.
كيف أختار الخطة المناسبة لي؟
على حسب ميزانيتك واحتياجك الشخصي؛ تشوف كم مبلغ الاستحقاق الشهري اللي يناسبك وتختار على أساسه (أساسية، فضية، أو ذهبية).
هل تأمين حماية الدخل اشتراك شهري؟
لا، مو اشتراك شهري. أنت تشتري الوثيقة لفترة محددة تشمل (3، أو 6، أو 12 شهر) على حسب الخطة اللي تختارها.
من يقدر يقدم على تأمين حماية الدخل؟
يقدر أي شخص يقدم عليه إذا كان عمره بين 18 و65 سنة، ويملك هوية وطنية أو إقامة سارية في السعودية.
ملاحظة: تنتهي التغطية التأمينية تلقائياً عند بلوغ سن 65.
وش الأشياء اللي ما يغطيها تأمين حماية الدخل؟
في حالات معينة ما نغطيها، مثل: الأمراض المكتشفة قبل التأمين، التنويم خلال فترة الانتظار، الحمل والولادة (إلا لو كان تنويم طارئ بسبب إصابة)، الأنشطة الخطرة، وبعض الاستثناءات الموضحة بالوثيقة.
هل التأمين يغطي الأمراض السابقة؟
لا، الأمراض والحالات المرضية الموجودة عندك قبل الشراء مستثناة من التغطية حسب شروط الوثيقة.
اقدر ألغي وثيقة تأمين حماية الدخل؟
نعم، تقدر تلغي وثيقتك ويرجع لك المبلغ كامل بشرط تكون خلال أول 15 يوم من الشراء وما تكون قدمت أي مطالبة.
كيف أشتري وثيقة تأمين حماية الدخل؟.
تقدر تشتريها بسهولة من تطبيق أو موقع تري ، تختار الخطة اللي تعجبك وتكمل بقية البيانات
هل الوثيقة تغطي زيارات العيادات الخارجية؟
لا، التغطية فقط لتكاليف التنويم والإقامة بالمستشفى، وما تشمل العيادات الخارجية أو الاستشارات.
هل التأمين يغطي تكاليف الاستشفاء بسبب حادث؟
لا، الوثيقة ما تغطي الاستشفاء الناتج عن الحوادث، حسب شروط وأحكام الوثيقة.
هل يشمل التأمين تغطية الحمل؟
لا، الوثيقة ما توفر أي منافع للتنويم المتعلق بالحمل أو الولادة.
أقدر أنقل وثيقتي لشخص ثاني؟
لا، الوثيقة تصدر باسمك أنت كمؤمّن عليه خصيصاً وما تقدر تنقلها لأي شخص آخر.
المطالبات والإلغاء والتجديد
كم فترة الانتظار لوثيقة تأمين حماية الدخل؟
تبدأ فترة الانتظار بعد 30 يوم من تاريخ بداية الوثيقة. خلال الـ 30 يوم الأولى، المطالبات المتعلقة بالأمراض ما تتغطى، وتبدأ التغطية الفعلية للحالات المستحقة بعد ما تخلص هذه الفترة.
كيف أجدد وثيقة تأمين حماية الدخل؟
تقدر تجددها من تطبيق أو موقع تري ؛ تروح لوثيقتك النشطة وتكمل خطوات التجديد قبل ما تنتهي صلاحيتها.
وش الأوراق والمستندات المطلوبة عشان أقدم مطالبة؟
تحتاج تجهز مستندات مثل: تقارير المستشفى، التقارير الطبية، ملخص الخروج، وأي أوراق إضافية نطلبها منك أثناء تقديم المطالبة.
كيف أقدر أقدم مطالبة؟
بعد ما تطلع من التنويم بالمستشفى، ادخل على حسابك في موقع أو تطبيق تري ، واختر وثيقة حماية الدخل، واتبع الخطوات الرقمية البسيطة لتقديم المطالبة.
متى يوصلني مبلغ المطالبة؟
يتم تحويل المبلغ بعد ما نراجع المطالبة ونوافق عليها وتكتمل كل الأوراق المطلوبة، وفق شروط الوثيقة.
هل أقدر أقدم مطالبة لأكثر من حالة تنويم بالمستشفى؟
نعم، تقدر تقدم على حالات التنويم المستحقة، بشرط ما تتعدى الحد الأقصى للمطالبات المسموح به في وثيقتك.
كيف أعرف إذا وافقتوا على طلبي أو لا؟
بنرسل لك إشعار أول ما نراجع الطلب ونتخذ القرار. بس تأكد إن بيانات التواصل الخاصة فيك محدّثة.
أقدر ألغي وثيقتي في أي وقت؟
نعم، تقدر تلغي وثيقتك بأي وقت. واسترجاع المبلغ يعتمد على التوقيت، وللمعلومية: ما في أي مبلغ يسترجع إذا كان عندك مطالبة مدفوعة أو تحت الإجراء.