التأمين الصحي للعمالة المنزلية
أسئلة عامة
هل أقدر أشتري التأمين الطبي للعامل المنزلي قبل ما يوصل للسعودية؟
في الوقت الحالي لا، تقدر تشتري الوثيقة وتفعلها بس بعد ما تصدر الإقامة الرسمية للعامل المنزلي.
هل أقدر أطلع وثائق منفصلة لكل عامل وهم تحت نفس الكفيل؟
إذا بتأمّن على العمالة المنزلية عندك بنفس الوقت، لازم تكون كلهم في وثيقة تأمين وحدة .
هل أقدر أحذف عامل مؤمن عليه بعد ما تطلع الوثيقة؟
تقدر تحذف عامل في حالات محددة بس، وهي: (وفاة العامل—لا قدر الله، أو نقل كفالته لشخص ثاني، أو انتهاء عقد عمله ومغادرته للمملكة نهائياً). وطبعاً يحق لك كـ حامل وثيقة إلغاء التأمين بالكامل بأي وقت، وبشرط توفير تأمين بديل لو كان التأمين إلزامي عليك حسب نظام مجلس الضمان الصحي.
كم تكلفة وسعر الوثيقة؟
السعر يعتمد بشكل أساسي على عمر العامل وجنسه.
وش هو التأمين الصحي للعمالة المنزلية؟
هو تأمين طبي مخصص للعمالة المنزلية اللي تحت كفالتك، يضمن لهم الرعاية والعلاج السريع، ويحميك من مصاريف المستشفيات المفاجئة.
وإذا كان عندك 4 عمالة منزلية أو أكثر، فالتأمين الصحي يكون إلزامي نظاميًا .
مين الأشخاص المؤهلين لهذا التأمين؟
أي عامل أو عاملة منزلية مسجلين رسمياً تحت كفالتك داخل المملكة.
متى يصير التأمين الطبي للعمالة المنزلية إلزامي ؟
حسب لوائح مجلس الضمان الصحي؛ لو كان عندك أكثر من 4 عمال منزليين على كفالتك، التأمين الطبي إلزامي نظاميًا.
أساسيات التغطية
هل أقدر أضيف مستشفيات جديدة بعد ما تصدر الوثيقة؟
لا، الشبكة الطبية والمستشفيات اللي تختارها وتوافق عليها وقت الشراء ما تقدر تعدلها أو تضيف عليها بعد ما تصدر الوثيقة.
كم مدة وثيقة التأمين أو التغطية؟
سنة كاملة, تبدأ من تاريخ تفعيل الوثيقة .
وش الفرق بين الباقات المتاحة؟
عندنا 3 باقات رئيسية تختلف في السعر المبدئي التقديري والحد الأقصى للتغطية السنوية:
الباقة الأساسية: بسعر مبدئي يبدأ من 272 ريال (بحد أقصى سنوي 50,000 ريال).
باقة الراحة (المعتمدة رسمياً من مجلس الضمان الصحي): بسعر مبدئي يبدأ من 340 ريال (بحد أقصى سنوي 100,000 ريال).
الباقة المتكاملة: بسعر مبدئي يبدأ من 510 ريال (بحد أقصى سنوي 100,000 ريال ومزايا إضافية أعلى).
وش الأشياء الطبية اللي تغطيها الباقات؟
تغطي الباقات كشفية الطبيب (الاستشارات)، الأدوية الموصوفة، التنويم في المستشفى، حالات الطوارئ، إضافة إلى منافع أخرى مثل الأسنان والعيون والعلاج الطبيعي، وكل هذا حسب حدود التغطية المحددة في باقتك.
هل التأمين يشمل علاج الأسنان للعامل؟
يشمل علاجات الأسنان الأساسية والضرورية بس (مثل الألم أو الخلع والحشوات)، ولا يغطي الأشياء التجميلية.
هل التأمين يغطي فحص وعلاج العيون؟
الرعاية البصرية والنظارات مشمولة في باقة "المتكاملة" فقط.
وش يصير لو العامل تعالج في حالة طارئة خارج الشبكة الطبية المعتمدة؟
إذا تعالج في حالة طارئة خارج الشبكة الطبية، قدّم طلب استرداد عبر تطبيق أو موقع تري وأرفق الفواتير المطلوبة، وإحنا نتابع الطلب حتى يوصل التعويض لحسابك البنكي.
كيف يقدر العامل المنزلي يستخدم التأمين في العيادة أو المستشفى؟
يتوجه لأي عيادة أو مستشفى ضمن الشبكة الطبية المعتمدة لباقته، ويقدم هويته أو إقامته، وبعدها يتم تطبيق التغطية تلقائيًا، ويدفع فقط نسبة التحمل -إن وجدت-.
كم يدفع العامل عند زيارة العيادة؟
يدفع مبلغ تحمل بسيط عند كل زيارة، ويختلف حسب الباقة المختارة.
المطالبات والإلغاء والتجديد
هل أقدر أسترجع مبلغ التأمين لو راح العامل قبل ما تنتهي الوثيقة؟
نعم، تقدر تقدم طلب إلغاء للوثيقة وتسترجع المبلغ عن المدة الباقية، وينحسب مبلغ الاسترداد حسب الأيام المتبقية في التغطية.
هل يحتاج العامل موافقة مسبقة من التأمين قبل ما يتعالج؟
الزيارات العادية للعيادات والكشف ما تحتاج موافقة مسبقة. أما إذا تجاوزت تكلفة العلاج حد معين، أو كانت الخدمة تتطلب موافقة مسبقة، مثل الأشعة المقطعية، أو الرنين المغناطيسي، أو عمليات اليوم الواحد، فيلزم طلب موافقة.
كيف أقدر أجدد وثيقة تأمين العمالة المنزلية؟
قبل ما تنتهي الوثيقة، بنرسل لك رسايل تذكيرية على إيميلك فيها رابط مباشر، تضغط عليه وتجدد وتدفع مباشرة.
كيف أتواصل مع فريق تري؟
حاضرين لخدمتك بكل وقت تقدر تتواصل معنا عبر موقعنا الإلكتروني أو بالاتصال على خدمة العملاء على الرقم 80012405058001240505، وتقدر تطّلع على جميع قنوات التواصل من خلال صفحة "اتصل بنا".